Eraldaketa
bultzatzen dugu
Beraien etorkizuna eratzeko gai izango diren komunitate autonomoagoak sortu nahi ditugu. Horregatik, modu parte-hartzailean egiten dugu lan –behetik gorako logikatik- ideia, metodologia eta egiteko modu berriez baliatuz.
Ikertzen dugu, beste batzuekin nahasten gara eta esperimentatzen dugu, gure eguneroko bizitza eraldatzeko eta oraina hobetzeko soluzioak sortzeko.
Jarduna
2012. urteaz geroztik, lurraldeekin, erakundeekin eta pertsona-taldee anitzekin lan egin dugu, eskala eta tipologia desberdineko proiektuak garatuz: lurralde-mailako gidalerroak eta politikak idaztetik eskoletako proiektu pedagogiko esperimentaletara.
Gure lana arlo publikoaren eta komunitarioaren inguruko zerbitzu eta proiektuetan gauzatzen da, eta hau garatzeko jakintza-arlo ezberdinetatik datozen hainbat metodologia eta tresna erabiltzen ditugu, hala nola diseinua, arkitektura, gizarte-zientziak, praktika artistikoak, etorkizuneko ikasketak edo pedagogia.
Gu
Ane Abarrategi Zaitegi
Diseinua interesatzen zait, soluzioak sortu eta etorkizunak eraikitzeko tresna gisa duen funtzioagatik eta batez ere, prozesu kolektiboak irudikatzeko eta eredu berriekin esperimentatzeko duen balioagatik.
Tipiko bazkide kofundatzailea naiz. Bertan, lan-esparru eta -metodologia berriak ikertzeaz arduratzen naiz, eta hainbat eskalatako eta hainbat esparrurekin lotutako administrazio publikorako prozesu, programa eta zerbitzu berritzaileak diseinatzen aritzen naiz.
Maddi Texeiro Tarazaga
Arlo publikoko diseinu- eta partaidetza-prozesuetan espezializatua, pertsonen beharrak, nahiak eta jakintzak ezagutu eta ikusarazteko lan egiten dut, eta espazioak eta zerbitzuak diseinatzerakoan pertsonen arteko konexioak errazteko.
Tipiko bazkide sortzaileetako bat naiz, eta tokiko garapenarekin, parte-hartze publikoarekin eta espazio komunekin harremana duten proiektuak diseinatu eta garatzeko ardura daukat.
Itsaso Larramendi Elexgaray
Hirigintzaren potentzial politikoan interesatuta nago, eta tokian bizi diren pertsonekin eta pertsonentzako hiri-inguruak sustatzen egiten dut lan. Hirigintza eguneroko bizitzaren ikuspegi eta beharretatik lantzean espezializatua.
Tipiko bazkide naiz, eta hiri plangintzarekin harremana duten proiektuen ardura daukat, udal-mailako diseinu eta parte-hartze prozesuak ere bideratzen ditudalarik.
Ane Lopes Martínez
Diseinu grafikoan espezializatua, komunikazioa errazteko tresna bezala. Interesa dut komunitate-eremuan, hausnarketarako eta eraldaketarako gune gisa.
Tipin proiektu parte-hartzaileen garapena, identitate grafikoen diseinu eta garapenarekin batzen ditut.
Oihane Fdez. de Retana Díaz
Diseinu estrategikoaren begiradatik sortzean espezializaztuta nago, beraul eraldaketarako tresna gisa ulertuta.
Tipin zerbitzuen diseinuaren arloko tresnak eta metolodogiak lantzen ditut konponbide eragingarrietara iristeko, etorkizun parte-hartzaileen mundua aztertzen dudan bitartean.
